अनलाइन भिषा आवेदन गर्ने लिङ्क - https://nepaliport.immigration.gov.np/

नेपाली महावाणिज्यदूतावास, ग्वान्जाओले पर्यटन भिषा अन्तर्गत १५ दिने ३० दिने र ९० दिने Electronic Travel Authorization (ETA) जारी गर्दछ । अफिसियल र अन्य तोकिएको प्रयोजनको लागि नेपाल जान चाहने आवेदकहरुलाई १५ दिने र ३० दिने भिषा (ETA) जारी हुन्छ । आवेदकहरु महावाणिज्यदूतावास कार्यालयमा निम्न कागजातहरु र शुल्क सहित उपस्थित हुनुपर्दछः

आवश्यक कागजात

• भिषा आवेदन पोर्टल https://nepaliport.immigration.gov.np/ मा आवेदन गरिसकेपछि प्राप्त हुने स्लिप (वा स्क्रिनसट)
• कम्तिमा ६ महिना म्याद रहेको आवेदकको राहदानी
• यदि आवेदकको तर्फबाट अन्य व्यक्तिले कागजात बुझाउने भएमा त्यस्तो व्यक्तिको परिचय खुल्ने कागजात र आवेदकले प्रदान गरेको अख्तियारीनामा
• अफिसियल भिसाको लागि परराष्ट्र कार्यालयको नोट वा चीन सरकारका निकायको सिफारिस पत्र

शुल्क

पर्यटन भिषा

• १० वर्ष मुनिका नाबालक: निःशुल्क
• गैर आवासिय नेपाली नागरिक: निःशुल्क
• चिनीया नागरिक: निःशुल्क
• सार्क मुलुकका नागरिक (अफगानिस्तान बाहेक): सम्बन्धित वर्षमा पहिलो पटक नेपाल जाँदा ३० दिन अवधिको लागि निःशुल्क
• अन्य विदेशी नागरिक:

१५ दिने बहुप्रवेश: चिनीया युआन २१०

३० दिने बहुप्रवेश: चिनीया युआन ३५०

९० दिने बहुप्रवेश: चिनीया युआन ८७५

अफिसियल भिषा सबै निःशुल्क रहेको छ ।

पुनश्च: नेपाली भिषा सम्बन्धि विस्तृत जानकारीको लागि अध्यागमन विभाग, नेपालको आधिकारिक वेवसाइट http://www.nepalimmigration.gov.np/. बाट जानकारी लिन सकिने छ ।